سابق آسٹریلوی کپتان ٹم پین نے پاکستان سپر لیگ کے اپنے تجربے کو خوشگوار اور یادگار قرار دے دیا ہے۔
ٹم پین نے پاکستان سپر لیگ سیزن 11 میں ملتان سلطانز کے ہیڈ کوچ کے طور پر ذمہ داریاں نبھائیں تاہم ٹیم پہلے ایلی منیٹر میں شکست کے بعد ایونٹ سے باہر ہو گئی۔
سوشل میڈیا پر اپنے بیان میں ٹم پین نے کہا کہ ملتان سلطانز کے ساتھ ان کا سفر بدقسمتی سے اختتام کو پہنچا لیکن انہوں نے اس دوران شاندار لوگوں کے ساتھ بہترین وقت گزارا۔انہوں نے مزید کہا کہ وہ پی ایس ایل کے تجربے سے مکمل طور پر لطف اندوز ہوئے اور یہ ان کے لیے ایک یادگار موقع تھا۔