مائیکل کلارک نے اپنے مداحوں کو جلد کے کینسر سے متعلق آگاہی فراہم کرتے ہوئے باقاعدہ چیک اپ کی اہمیت پر زور دیا ہے۔
سابق آسٹریلوی کپتان نے سوشل میڈیا پر پیغام جاری کرتے ہوئے کہا کہ اسکن کینسر آگاہی کا مہینہ شروع ہو چکا ہے اور یہ وقت اپنی جلد کی صحت کا جائزہ لینے کے لیے انتہائی اہم ہے۔
انہوں نے انکشاف کیا کہ حال ہی میں ان کے چہرے سے ایک اور کینسر زدہ حصہ ہٹایا گیا ہے۔ ان کا کہنا تھا کہ اگرچہ یہ عمل خوشگوار نہیں ہوتا لیکن بروقت چیک اپ انتہائی ضروری ہے تاکہ بیماری کو ابتدائی مرحلے میں ہی روکا جا سکے۔
واضح رہے کہ مائیکل کلارک ایک عرصے سے اسکن کینسر میں مبتلا ہیں اور وہ مسلسل اس کے علاج اور نگرانی کے عمل سے گزر رہے ہیں۔