بنگلادیش کے فاسٹ بولرناہید رانا نے پشاور زلمی کو دوبارہ جوائن کر لیا ہے۔
بنگلا دیشن کرکٹ بورڈ نے ناہید رانا کو پاکستان سپر لیگ کے فائنل میں شرکت کے لیے خصوصی اجازت دے دی ہے۔ پی ایس ایل کا فائنل اتوار کو قذافی اسٹڈیم میں کھیلا جائے گا۔
یاد رہے کہ ناہید رانا نیوزی لینڈ کے خلاف ون ڈے سیریز کے باعث وطن واپس چلے گئے تھے تاہم اب وہ فائنل کے لیے دوبارہ اسکواڈ کا حصہ بن گئے ہیں۔
دوسری جانب پی ایس ایل 11 کے دوسرے ایلیمنیٹر میں حیدر آباد کنگز مین اور اسلام آباد یونائیٹڈ کے درمیان مقابلہ آج کھیلا جا رہا ہے جس کے بعد یہ طے ہوگا کہ فائنل میں پشاور زلمی کے مدمقابل کون سی ٹیم آئے گی۔