ایچ بی ایل پی ایس ایل 11 کے گرینڈ فائنل کے لیے تیاریاں عروج پر پہنچ گئی ہیں جبکہ رنگارنگ اختتامی تقریب کو حتمی شکل دے دی گئی ہے۔
اختتامی تقریب میں معروف گلوکار عاطف اسلم، علی عظمت، عارف لوہار، آئمہ بیگ اور صابری سسٹرز اپنی پرفارمنس سے شائقین کو محظوظ کریں گےجبکہ آتش بازی کا بھی شاندار مظاہرہ کیا جائے گا۔
پاکستان کرکٹ بورڈ کے چیئرمین محسن نقوی کی زیر صدارت خصوصی اجلاس میں فائنل میچ کے انتظامات کا تفصیلی جائزہ لیا گیا۔
محسن نقوی نے ہدایت کی کہ میگا ایونٹ کے لیے ہر سطح پر بہترین انتظامات یقینی بنائے جائیں اور شائقین کو زیادہ سے زیادہ سہولت فراہم کی جائے۔
انہوں نے کہا کہ شائقین کرکٹ شام 6 بجے تک اسٹیڈیم پہنچ کر اختتامی تقریب سے بھرپور لطف اٹھائیں۔