ساہیوال کے علاقے موضع بشیرہ میں افسوسناک واقعہ پیش آیا ہے جہاں گزشتہ روز سے لاپتہ دو کمسن بھائیوں کی لاشیں گھر کے آٹے والے ٹرنک سے برآمد ہوئیں۔
6 سالہ حسن اور 4 سالہ حیدر علی گزشتہ روز سے لاپتہ تھے، جن کی تلاش جاری تھی۔ بعدازاں گھر کا بند کمرہ کھولنے پر آٹے کے ٹرنک سے دونوں بچوں کی لاشیں ملیں، جس سے علاقے میں کہرام مچ گیا۔
پولیس حکام کے مطابق واقعے کی تحقیقات شروع کردی گئی ہیں جبکہ بچوں کی والدہ کو حراست میں لے کر تفتیش کی جا رہی ہے۔ واقعے کی نوعیت اور وجوہات جاننے کے لیے مختلف پہلوؤں سے چھان بین جاری ہے۔
پولیس کا کہنا ہے کہ پوسٹ مارٹم رپورٹ اور مزید شواہد کی روشنی میں حقائق سامنے لائے جائیں گے۔