قائدآباد پولیس نے نوری آباد میں ہونے والے اندھے قتل کی واردات کا سراغ لگاتے ہوئے ایک ملزم نور عالم کو گرفتار کرلیا ہے، جس نے اپنے تین دیگر ساتھیوں کے ساتھ مل کر اپنے ہی قریبی دوست عثمان آفریدی کو قتل کرنے کا اعتراف کیا ہے۔
پولیس کا کہنا ہے کہ تحقیقات کے مطابق ملزمان نے مقتول کو شیر پاؤ کالونی سے اغوا کرنے کے بعد نوری آباد کے قریب فائرنگ کر کے قتل کیا اور شناخت مٹانے کے لیے لاش پر تیزاب ڈالا۔
مقتول رینٹ اے کار کا کام کرتا تھا، جس کی گاڑی ملزمان نے اندرونِ سندھ فروخت کر کے رقم آپس میں تقسیم کرلی، جبکہ ملزم نے واقعے کی مبینہ وجہ غیرت بتائی ہے۔
پولیس نے ملزم کو قتل کے مقدمہ میں باقاعدہ گرفتار کرکے دیگر تین ملزمان کی تلاش میں چھاپہ مار کارروائیاں شروع کردی ہیں۔