پاکستان اور زمبابوے کی ویمنز ٹیموں کے درمیان کھیلے جانے والے پہلے ون ڈے انٹرنیشنل میچ میں پاکستان کی لیفٹ آرم اسپنر مومنہ ریاست اپنے کیریئر کا آغاز کرنے جارہی ہیں۔ مومنہ ریاست پاکستان کی جانب سے ون ڈے کرکٹ میں ڈیبیو کرنے والی 95 ویں کھلاڑی بن گئی ہیں۔
اپنے پہلے بین الاقوامی میچ کے حوالے سے گفتگو کرتے ہوئے مومنہ ریاست کا کہنا تھا کہ وہ اس موقع پر بے حد پرجوش ہیں اور اپنے تاثرات کو الفاظ میں بیان نہیں کرسکتیں۔
انہوں نے اسے اپنے اور اپنی فیملی کے لیے یادگار لمحات قرار دیتے ہوئے کہا کہ پاکستان کی نمائندگی کرنا ان کا ایک خواب تھا جو آج پورا ہونے جا رہا ہے۔
مومنہ نے عزم ظاہر کیا کہ وہ میدان میں اپنی بہترین کارکردگی کا مظاہرہ کرنے کی بھرپور کوشش کریں گی۔