سِٹیزن پولیس لائژن کمیٹی نے کراچی میں مارچ کے دوران جرائم سے متعلق تازہ رپورٹ جاری کر دی ہے جس کے مطابق مارچ میں کراچی میں 5 ہزار سے زائد اسٹریٹ کرائم کی وارداتیں رپورٹ ہوئیں جبکہ شہریوں سے 1 ہزار 265 موبائل فون چھینے گئے۔
سی پی ایل سی کے مطابق اسی عرصے میں 3 ہزار 27 موٹر سائیکلیں چوری اور 440 موٹر سائیکلیں چھینی گئیں۔ رپورٹ میں بتایا گیا ہے کہ 17 کاریں اسلحے کے زور پر چھینی گئیں جبکہ 140 کاریں چوری کی گئیں۔
اعداد و شمار کے مطابق مارچ کے دوران شہر میں مختلف واقعات میں 44 افراد قتل بھی ہوئے۔