ایران اور امریکا کے درمیان ممکنہ معاہدے کی خبروں نے پاکستان اسٹاک ایکسچینج میں غیر معمولی تیزی پیدا کر دی جس کے باعث کاروبار کا اختتام شاندار اضافے پر ہوا۔
ٹریڈنگ کے دوران مارکیٹ میں ایک موقع پر 7,346 پوائنٹس تک کا بڑا اضافہ ریکارڈ کیا گیا جبکہ مجموعی طور پر 100 انڈیکس 6,962 پوائنٹس بڑھ کر 171,705 پوائنٹس کی سطح پر بند ہوا۔
مارکیٹ میں 165,000 سے بڑھ کر 171,000 پوائنٹس تک کی 7 حدیں بحال ہوئیں جو سرمایہ کاروں کے اعتماد میں نمایاں اضافے کی عکاسی کرتی ہیں۔
بروکرز کے مطابق ایران، امریکا متوقع ڈیل کی خبروں کے بعد سرمایہ کاروں نے مارکیٹ میں بھرپور دلچسپی دکھائی جس کے نتیجے میں بینکنگ، سیمنٹ، آئل اینڈ گیس اور فرٹیلائزر سیکٹرز کے شیئرز میں نمایاں خریداری دیکھی گئی۔