بنگلا دیش کے خلاف ٹیسٹ سیریز کی تیاریوں کے لیے قومی ٹیسٹ اسکواڈ نے ڈھاکا کے شیرِ بنگلہ کرکٹ اسٹیڈیم میں تیسرے روز بھرپور پریکٹس کی ہے۔
کوچز کی زیرِ نگرانی جاری اس سیشن میں کھلاڑیوں نے خاص طور پر سلپ فیلڈنگ اور کیچز کی مشقیں کیں۔
اسٹار بلے بازوں اور دیگر کھلاڑیوں نے ڈھاکا کی کنڈیشنز کو مدنظر رکھتے ہوئے بیٹنگ کی خصوصی پریکٹس بھی کی تاکہ میچ کے دوران مقامی پچوں اور موسم سے ہم آہنگ ہوسکیں۔
شیڈول کے مطابق قومی ٹیم کل بھی شیرِ بنگلہ اسٹیڈیم میں مقامی وقت کے مطابق سہ پہر 2 سے 5 بجے تک اپنا تربیتی سیشن جاری رکھے گی۔ دونوں ٹیموں کے درمیان سیریز کا پہلا ٹیسٹ میچ 8 مئی سے شروع ہوگا۔