ضلع سانگھڑ میں غیرت کے نام پر افسوسناک واقعہ پیش آیا ہے جس میں ایک شخص نے اپنی 15 سالہ بیٹی کو قتل کر دیا۔
پولیس کے مطابق واقعہ چند روز قبل پیش آیا جہاں ملزم نے مبینہ طور پر بیٹی کو قتل کرنے کے بعد لاش گھر کے اندر ہی دفن کر دی۔
حکام کا کہنا ہے کہ واقعے کا مقدمہ درج کر کے تفتیش شروع کر دی گئی ہے جبکہ ملزم گھر چھوڑ کر فرار ہو گیا ہے جس کی گرفتاری کے لیے چھاپے مارے جا رہے ہیں۔
پولیس نے مزید کہا ہے کہ واقعے کے تمام پہلوؤں کا جائزہ لیا جا رہا ہے اور جلد ملزم کو گرفتار کر لیا جائے گا۔