بابر اعظم گھٹنے کی انجری کے باعث بنگلادیش کے خلاف پہلے ٹیسٹ میچ سے باہر ہو گئے ہیں۔
ٹیم منیجمنٹ کے مطابق بابر اعظم گھٹنے کی انجری کا شکار ہیں جس کی وجہ سے وہ میرپور ڈھاکا میں کھیلے جانے والے پہلے ٹیسٹ میں حصہ نہیں لے سکیں گے۔ ٹیم کے ڈاکٹرز ان کی انجری کا تفصیلی جائزہ لے رہے ہیں جبکہ ان کی صحت سے متعلق مزید اپ ڈیٹ بعد میں جاری کی جائے گی۔
دوسری جانب پاکستان اور بنگلادیش کے درمیان پہلا ٹیسٹ آج سے میرپور میں شروع ہو گیا ہے جو آئی سی سی ٹیسٹ چیمپئن شپ کا حصہ ہے۔