چیئرمین پی سی بی محسن نقوی ایک روزہ دورے پر بنگلادیش کے دارالحکومت ڈھاکا پہنچ گئےجہاں ایئرپورٹ پر بنگلادیش کے سیکرٹری خارجہ اسد عالم صائم، سیکرٹری داخلہ ابو نعیم اور بنگلا دیش کرکٹ بورڈ کے چیف ایگزیکٹو آفیسر ناظم الدین نے ان کا استقبال کیا۔
چیئرمین پاکستان کرکٹ بورڈ بعد ازاں پاکستان اور بنگلادیش کے درمیان پہلے ٹیسٹ میچ کے موقع پر اسٹیڈیم پہنچے جہاں بی سی بی کے سربراہ تمیم اقبال نے ان کا خیر مقدم کیا۔
اس موقع پر چیئرمین پی سی بی نے بنگلادیش کے وزیراعظم کے مشیر برائے خارجہ امور ہمایوں کبیر کے ہمراہ پاکستان اور بنگلادیش کے درمیان پہلے ٹیسٹ میچ کا مشاہدہ کیا۔
ملاقات کے دوران دونوں ممالک کے درمیان تعلقات کے فروغ، باہمی تعاون اور کھیلوں خصوصاً کرکٹ کے شعبے میں روابط بڑھانے پر بھی تبادلہ خیال کیا گیا۔
ذرائع کے مطابق دونوں جانب سے کرکٹ ڈپلومیسی کے ذریعے پاک بنگلادیش تعلقات مزید مضبوط بنانے پر زور دیا گیا۔