خیبر پختونخوا کے ضلع چارسدہ میں غیرت کے نام پر فائرنگ کا افسوسناک واقعہ پیش آیا ہے جس میں ایک لڑکی اور نوجوان کو قتل کر دیا گیا۔
پولیس کے مطابق واقعہ تھانہ پڑانگ کی حدود میاں کلی میں پیش آیا جہاں ملزم نے شک کی بنیاد پر اپنی بھتیجی اور ایک نوجوان پر فائرنگ کر دی۔
ابتدائی معلومات کے مطابق ملزم کو شبہ تھا کہ اس کی بھتیجی کے گاؤں کے ایک نوجوان کے ساتھ تعلقات تھے جس پر اس نے دونوں کو نشانہ بنایا۔
پولیس کا کہنا ہے کہ واقعے کے بعد ملزم فرار ہو گیا ہے جبکہ دو الگ الگ مقدمات درج کر کے تحقیقات شروع کر دی گئی ہیں۔ ملزم کی گرفتاری کے لیے چھاپے مارے جا رہے ہیں۔