پاکستان کرکٹ ٹیم کے سابق کپتان اظہر علی اسکاٹ لینڈ کرکٹ ٹیم کے ساتھ بطور کنسلٹنٹ منسلک ہو گئے ہیں۔
کرکٹ اسکاٹ لینڈ کی جانب سے جاری اعلامیے کے مطابق اظہر علی ٹیم کے ساتھ کنسلٹنٹ کی ذمہ داریاں انجام دیں گے اور دورہ نیپال کے دوران ٹیم کی معاونت کریں گے۔
اسکاٹ لینڈ کرکٹ ٹیم کی آئندہ اسائنمنٹ آئی سی سی سی ڈبلیو سی ایل ٹو ہے، جہاں ٹیم نیپال اور امریکا کے خلاف میچز کھیلے گی۔
اظہر علی نے اپنے بیان میں کہا کہ وہ اسکاٹ لینڈ کرکٹ ٹیم کے ساتھ کام کرنے کے لیے پرجوش ہیں اور اپنے تجربے سے ٹیم کی ترقی میں کردار ادا کریں گے۔