پاکستان کرکٹ ٹیم کے اسٹار بیٹر بابر اعظم فٹ ہوگئے ہیں اور انہوں نے بنگلادیش میں دوبارہ پریکٹس کا آغاز کردیا ہے۔
بابر اعظم نے ڈھاکا میں بیٹنگ کوچ کی نگرانی میں بنگلادیش کرکٹ بورڈ اکیڈمی میں بیٹنگ پریکٹس کی جہاں ٹرینر اور فزیو بھی ان کے ہمراہ موجود تھے۔
پریکٹس سیشن کے دوران بابر اعظم نے بغیر کسی مشکل کے وکٹوں کے درمیان دوڑ بھی لگائی جس سے ان کی فٹنس میں بہتری ظاہر ہوئی۔
واضح رہے کہ بابر اعظم گھٹنے کی تکلیف کے باعث بنگلادیش کے خلاف پہلا ٹیسٹ میچ نہیں کھیل سکے تھے۔ذرائع کے مطابق بابر اعظم سلہٹ میں کھیلے جانے والے دوسرے ٹیسٹ میچ کے لیے قومی ٹیم کو دستیاب ہوں گے۔