فیصل آباد کے اقبال اسٹیڈیم میں کھیلے جانے والے نیشنل انڈر 17 کپ کے فائنل کے پہلے روز ایبٹ آباد انڈر 17 نے راولپنڈی کے خلاف 59 رنز کی برتری حاصل کرکے میچ پر اپنی گرفت مضبوط کرلی ہے۔
میچ کے آغاز میں ایبٹ آباد کے بالر عمار خان نے شاندار کارکردگی کا مظاہرہ کرتے ہوئے چار وکٹیں حاصل کیں، جس کی بدولت راولپنڈی انڈر 17 کی پوری ٹیم پہلی اننگز میں محض 133 رنز پر ڈھیر ہوگئی۔
جواب میں ایبٹ آباد انڈر 17 نے اپنی پہلی اننگز کا آغاز کیا تو حماد خان نے 57 رنز کی ذمہ دارانہ اننگز کھیل کر ٹیم کو سہارا دیا جبکہ محمد ابوزر نے ناقابل شکست نصف سنچری اسکور کرکے ٹیم کو مستحکم پوزیشن میں پہنچا دیا۔
پہلے دن کے اختتام پر ایبٹ آباد انڈر 17 نے پانچ وکٹوں کے نقصان پر 192 رنز بنا لیے تھے۔