پاکستان اسٹاک ایکسچینج میں کاروباری دن شدید اتار چڑھاؤ کے بعد منفی رجحان پر اختتام پذیر ہوا۔
کاروبار کے دوران مارکیٹ میں ایک موقع پر 770 پوائنٹس کی تیزی بھی دیکھی گئی تاہم یہ برقرار نہ رہ سکی اور سرمایہ کاروں کی فروخت کے دباؤ کے باعث مارکیٹ مندی کا شکار ہوگئی۔
بروکرز کے مطابق ایران اور امریکا کے درمیان ممکنہ ڈیل پر پیشرفت نہ ہونے سے سرمایہ کار محتاط ہوگئے اور شیئرز فروخت کرکے سائیڈ لائن ہوگئے۔
مارکیٹ 169 ہزار اور 168 ہزار پوائنٹس کی دونوں اہم حدیں برقرار نہ رکھ سکی جبکہ ہنڈرڈ انڈیکس 1465 پوائنٹس کمی کے بعد 167 ہزار 451 پوائنٹس پر بند ہوا۔