کراچی پورٹ پر گاڑیوں کی ہینڈلنگ کے لیے اضافی جگہ مختص

کراچی پورٹ پر گاڑیوں کی ہینڈلنگ کے لیے اضافی جگہ مختص کر دی گئی ہے تاکہ بندرگاہی آپریشنز کو مزید بہتر بنایا جا سکے۔

اس حوالے سے شپنگ لائنز اور ٹرمینل آپریٹرز کے نمائندگان نے وفاقی وزیر برائے بحری امور جنید انوار چوہدری سے ملاقات کی جس میں خطے کی صورتحال کے تناظر میں بندرگاہی تیاریوں اور آپریشنز کا تفصیلی جائزہ لیا گیا۔

وفاقی وزیر نے کہا کہ بندرگاہوں کو علاقائی ٹرانزٹ اور ٹرانس شپمنٹ حب بنانے کے اقدامات جاری ہیں جبکہ بلا تعطل سمندری تجارت اور آپریشنل کارکردگی میں بہتری ناگزیر ہے۔

انہوں نے کہا کہ فیڈر کنیکٹیویٹی کے استحکام اور کاروباری طریقہ کار کو مزید سادہ بنایا جائے گا تاکہ تجارتی سرگرمیوں میں آسانی پیدا ہو۔حکام کے مطابق بندرگاہوں کی استعداد بڑھانے اور لاجسٹکس نیٹ ورک کو مضبوط بنانے کے لیے مختلف اقدامات جاری ہیں۔