پاکستان اور آسٹریلیا کے درمیان کھیلی جانے والی تین ون ڈے انٹرنیشنل میچز کی سیریز کے ٹکٹ 22 مئی سے فروخت کے لیے دستیاب ہوں گے۔
ذرائع کے مطابق شائقین کرکٹ 22 مئی دوپہر 3 بجے سے آن لائن ٹکٹ pcb.tcs.com.pk کے ذریعے خرید سکیں گے جبکہ فزیکل ٹکٹ اسی روز سے ٹی سی ایس کے 16 ایکسپریس سینٹرز پر دستیاب ہوں گے۔
تفصیلات کے مطابق لاہور میں 8، راولپنڈی میں 5 اور اسلام آباد میں 3 ٹی سی ایس سینٹرز پر ٹکٹوں کی فروخت جاری رہے گی۔
سیریز کا پہلا ون ڈے میچ 30 مئی کو راولپنڈی کرکٹ اسٹیڈیم میں کھیلا جائے گا جبکہ دوسرا اور تیسرا ون ڈے 2 اور 4 جون کو قذافی اسٹیڈیم لاہور میں ہوگا۔
تمام میچز شام 4 بج کر 30 منٹ پر شروع ہوں گے۔ شائقین کے لیے ٹکٹوں کی قیمت صرف 200 روپے سے شروع رکھی گئی ہے تاکہ زیادہ سے زیادہ لوگ میچز سے لطف اندوز ہو سکیں۔