منشیات فروشی میں ملوث انمول عرف پنکی کی نشاندہی پر کراچی کے علاقے سچل میں پولیس نے ایک گھر پر چھاپہ مار کر کوکین برآمد کر لی۔
ڈی آئی جی ساؤتھ اسد رضا کے مطابق چھاپے کے دوران گھر سے کوکین اور منشیات کی ترسیل کے لیے تیار پیکٹس بھی برآمد ہوئے ہیں۔ برآمد شدہ منشیات مبینہ طور پر مختلف علاقوں میں سپلائی کی جانی تھی۔
پولیس کا کہنا ہے کہ اس حوالے سے مقدمہ سچل تھانے میں سرکار کی مدعیت میں درج کر لیا گیا ہے اور مزید تحقیقات جاری ہیں۔
حکام کے مطابق انمول عرف پنکی کی نشاندہی پر یہ کارروائی کی گئی اور برآمد شدہ منشیات اسی نیٹ ورک سے منسلک بتائی جا رہی ہے۔
واضح رہے کہ پولیس کے مطابق انمول عرف پنکی نے منشیات کی ترسیل کا ایک نیٹ ورک قائم کر رکھا تھا جس کے مختلف پہلوؤں کی تفتیش جاری ہے۔