پاکستان ویمن کرکٹ ٹیم کا پری ٹور ٹریننگ کیمپ 20 سے 23 مئی تک لاہور میں منعقد ہوگا، جہاں کھلاڑی نیشنل کرکٹ اکیڈمی اور ایل سی سی اے گراؤنڈ میں اپنی تیاریاں اور ٹریننگ کریں گی۔
لاہور میں کیمپ کی تکمیل کے بعد پاکستان ویمن ٹیم 25 مئی کی صبح آئرلینڈ کے لیے روانہ ہوگی، جہاں وہ میزبان آئرلینڈ اور ویسٹ انڈیز کے خلاف ایک سہ ملکی ٹی ٹوینٹی سیریز میں حصہ لے گی۔ یہ سہہ ملکی سیریز 28 مئی سے 4 جون تک کھیلی جائے گی۔
اس سیریز کے بعد پاکستان ویمن ٹیم آئی سی سی ٹی ٹوئنٹی ورلڈ کپ میں شرکت کے لیے آئرلینڈ سے انگلینڈ پہنچے گی، جہاں عالمی کپ کا باقاعدہ آغاز 12 جون سے ہوگا۔