زمبابوے ویمن کرکٹ ٹیم پاکستان میں ون ڈے اور ٹی ٹوئنٹی سیریز مکمل کرنے کے بعد آج کراچی سے واپس اپنے وطن روانہ ہوگئی۔
سیریز کے دوران مہمان ٹیم نے شاندار کھیل پیش کیا جبکہ کھلاڑیوں نے پاکستان میں قیام کو خوشگوار اور یادگار قرار دیا۔
زمبابوے ویمن ٹیم کی کپتان نومویلو سبانڈا نے کہا کہ پاکستان میں کھیل کر بہت خوشی ہوئی اور یہاں کی مہمان نوازی، کھانے اور سیکیورٹی انتظامات بہترین تھے۔ انہوں نے کہا کہ ٹیم نے سیریز بھرپور انداز میں انجوائے کی اور وہ دوبارہ پاکستان آ کر کھیلنا چاہیں گی۔
مہمان ٹیم نے پاکستان کرکٹ بورڈ انتظامیہ اور شائقینِ کرکٹ کا شکریہ ادا کرتے ہوئے سیریز کے کامیاب انعقاد کو سراہا۔