پاکستان ویمنز کرکٹ ٹیم کا آئرلینڈ ٹرائی سیریز اور ورلڈ کپ کی تیاریوں کے لیے تربیتی کیمپ ایل سی سی اے گراؤنڈ لاہور میں جاری ہے۔
قومی ویمن ٹیم نے مینٹور وہاب ریاض اور کوچنگ اسٹاف کی زیرِ نگرانی بھرپور پریکٹس سیشنز کیے۔ کیمپ کے دوران کھلاڑیوں نے فٹنس برقرار رکھنے کے لیے مختلف وارم اپ سیشنز میں حصہ لیا اور نیٹ پر بیٹنگ، باؤلنگ اور فیلڈنگ کی خامیوں کو دور کرنے کے لیے سخت مشقیں کیں۔
ٹیم انتظامیہ کی جانب سے خاص طور پر پاور ہیٹنگ ڈرلز پر توجہ دی جا رہی ہے تاکہ آنے والے اہم میچز میں بیٹرز کی کارکردگی کو مزید بہتر بنایا جاسکے۔ تمام کھلاڑی ہائی وولٹیج ٹورنامنٹس کے لیے خود کو تیار کرنے کے لیے بھرپور عزم کے ساتھ سیشنز کا حصہ بن رہی ہیں۔