پی او ایف واہ کینٹ میں جاری 55 ویں نیشنل والی بال چیمپیئن شپ کے مقابلوں میں واپڈا اور نیوی کی ٹیموں نے شاندار کارکردگی کا مظاہرہ کرتے ہوئے سیمی فائنل کے لیے کوالیفائی کرلیا ہے۔
چیمپیئن شپ کے پہلے کوارٹر فائنل میچ میں واپڈا نے یکطرفہ مقابلے کے بعد پنجاب کو تین صفر سیٹ سے شکست دی۔ واپڈا کی اس باآسانی کامیابی کا اسکور 13-25، 16-25 اور 12-25 رہا۔
دوسرے کوارٹر فائنل میچ میں نیوی نے زبردست کھیل پیش کرتے ہوئے خیبر پختونخوا (کے پی کے) کی ٹیم کو تین صفر سیٹ سے مات دی۔ نیوی کی جیت کا اسکور 19-25، 22-25 اور 11-25 رہا۔
دونوں ٹیمیں اب ٹورنامنٹ کے اگلے مرحلے میں مدمقابل ہوں گی۔