پاکستان ویمنز کرکٹ ٹیم آئرلینڈ میں شیڈول سہ فریقی ٹی ٹوئنٹی سیریز میں شرکت کے لیے دبئی کے راستے ڈبلن روانہ ہوگئی ہے۔
اس اہم ٹورنامنٹ میں قومی ٹیم ویسٹ انڈیز اور میزبان آئرلینڈ کے خلاف مجموعی طور پر چار میچز کھیلے گی، جس میں پاکستانی ٹیم اپنا پہلا میچ 29 مئی کو آئرلینڈ کے خلاف کھیل کر مہم کا آغاز کرے گی۔
یہ ٹرائی سیریز اگلے ماہ شروع ہونے والے آئی سی سی ویمنز ٹی ٹوئنٹی کرکٹ ورلڈ کپ 2026 کی تیاریوں کے سلسلے میں ایک اہم کڑی تصور کی جا رہی ہے، جس سے کھلاڑیوں کو میگا ایونٹ سے قبل اپنی فارم اور کنڈیشنز کو پرکھنے کا بہترین موقع ملے گا۔