امریکا اور ایران کے درمیان جاری مذاکرات میں اتار چڑھاؤ کے باعث عالمی منڈی میں خام تیل کی قیمتوں میں مسلسل کمی بیشی کا رجحان دیکھا جا رہا ہے۔
غیر ملکی میڈیا کے مطابق جنگ کے خاتمے اور آبنائے ہرمز کھولنے سے متعلق پیچیدہ مذاکرات کے باعث عالمی تیل مارکیٹ غیر یقینی صورتحال کا شکار ہے۔
بدھ کے روز برینٹ خام تیل کی قیمت میں 1.42 ڈالر کی کمی ریکارڈ کی گئی جس کے بعد فی بیرل قیمت 98.16 ڈالر ہو گئی۔
اسی طرح امریکی ویسٹ ٹیکساس انٹرمیڈیٹ (WTI) خام تیل کی قیمت 1.66 ڈالر کمی کے بعد 92.23 ڈالر فی بیرل پر آ گئی۔