امریکا اور ایران کے درمیان ہونے والی نئی جھڑپوں کے باعث عالمی منڈی میں خام تیل کی قیمتوں میں ایک بار پھر اضافہ ریکارڈ کیا گیا ہے۔
تازہ ترین صورتحال کے مطابق عالمی منڈی میں برینٹ کروڈ کی قیمت میں تقریباً ڈھائی فیصد اضافہ ہوا ہے جس کے بعد یہ 96 ڈالر 63 سینٹس فی بیرل کی سطح پر پہنچ گئی ہے، جبکہ اس سے گزشتہ روز اس کی قیمت میں 5.31 فیصد کی کمی دیکھی گئی تھی۔
اسی طرح ویسٹ ٹیکساس انٹرمیڈیٹ (WTI) کی قیمت بھی تقریباً ڈھائی فیصد شرح کے اضافے کے ساتھ 100 ڈالر فی بیرل تک پہنچ گئی ہے، جبکہ بدھ کے روز اس کی قیمت میں تقریباً 6 فیصد کی کمی ریکارڈ کی گئی تھی۔