امریکی ریاست میساچوسٹس کے ایک تالاب سے ایک خطرناک اور غیر معمولی ایلیگیٹر سنیپنگ کچھوا برآمد ہوا ہے جس نے ماہرین کو حیرت میں ڈال دیا ہے۔
میساچوسٹس کے ایسیکس کاؤنٹی میں جنگلی حیات کے حکام کو اطلاع ملی تھی کہ ایک تالاب میں غیر مقامی اور مشتبہ کچھوا موجود ہے۔ کارروائی کے دوران حکام نے تقریباً 60 پاؤنڈ وزنی ایلیگیٹر سنیپنگ کچھوا برآمد کر لیا۔
میساچوسٹس ڈویژن آف فشریز اینڈ وائلڈ لائف کے مطابق مقامی افراد نے ماہر حیاتیات سے رابطہ کیا تھا جس کے بعد اس کی شناخت کی گئی۔
ماہرین کے مطابق یہ نسل عام طور پر لوزیانا سے جنوب مشرقی آئیووا تک گرم علاقوں میں پائی جاتی ہے اور میساچوسٹس کے سرد موسم میں زندہ رہنا مشکل ہوتا ہے۔
حکام کا کہنا ہے کہ امکان ہے کہ اس کچھوے کو غیر قانونی طور پر پالتو جانور کے طور پر رکھا گیا اور بعد میں تالاب میں چھوڑ دیا گیا۔ متاثرہ مادہ کچھوے کو نیو انگلینڈ وائلڈ لائف سینٹر منتقل کر دیا گیا ہے جہاں اس کا علاج جاری ہے۔