فیڈرل بورڈ آف ریونیو (ایف بی آر) نے ٹیکس دہندگان کی سہولت کے پیش نظر اپنے ماتحت تمام فیلڈ دفاتر ہفتہ اور اتوار 30 اور 31 مئی کو کھلے رکھنے کا فیصلہ کیا ہے۔
ایف بی آر حکام کے مطابق تمام لارج ٹیکس آفسز (ایل ٹی اوز)، میڈیم ٹیکس آفسز (ایم ٹی اوز)، کارپوریٹ ٹیکس آفسز (سی ٹی اوز) اور ریجنل ٹیکس آفسز (آر ٹی اوز) معمول کے اوقات کار کے مطابق کام کریں گے۔
حکام کا کہنا ہے کہ فیصلہ ٹیکس دہندگان کو سہولت فراہم کرنے اور مالی امور کی بروقت انجام دہی یقینی بنانے کے لیے کیا گیا ہے۔
ایف بی آر کے مطابق تمام فیلڈ دفاتر ہفتہ اور اتوار کو بھی نارمل ورکنگ آورز کے تحت خدمات انجام دیتے رہیں گے۔