کاروباری ہفتے کے پہلے روز پاکستان اسٹاک ایکسچینج شدید مندی کی لپیٹ میں رہی اور کاروبار کا منفی اختتام ہوا۔
ٹریڈنگ کے دوران مارکیٹ میں 3500 سے زائد پوائنٹس کی کمی ریکارڈ کی گئی اور مارکیٹ 173 ہزار، 172 ہزار اور 171 ہزار پوائنٹس کی تین اہم نفسیاتی حدیں بھی برقرار نہ رکھ سکی۔
کاروبار کے اختتام پر 100 انڈیکس 3362 پوائنٹس کی کمی کے بعد 170 ہزار 600 پوائنٹس پر بند ہوا۔
مارکیٹ ماہرین کے مطابق سخت بجٹ کے خدشات اور ایران و امریکا کے درمیان بڑھتی ہوئی کشیدگی سے متعلق خبروں نے سرمایہ کاروں کی نفسیات کو متاثر کیا۔