امریکا میں گالف کے شوقین تین افراد نے گالف کی گیندوں سے دنیا کا سب سے بڑا اہرام تیار کر کے نیا عالمی ریکارڈ قائم کر دیا ہے۔
امریکی ریاست ٹیکساس میں مائیکل فر، ڈیبی رینالڈز اور ٹیری جانک پر مشتمل ٹیم نے اس منفرد اہرام کی تعمیر کے لیے 19 ہزار 19 گالف بالز استعمال کیں۔
اس سے قبل یہ ریکارڈ 2022 میں امریکی ریاست پنسلوانیا کے زچری کریوڈا کے پاس تھا جنہوں نے 17 ہزار 575 گالف بالز سے اہرام بنا کر عالمی اعزاز حاصل کیا تھا۔
بعد ازاں ٹیکساس کی اس ٹیم نے ستمبر 2025 میں اس ریکارڈ کو توڑنے کی کوشش کی جسے حال ہی میں گنیز ورلڈ ریکارڈز نے باضابطہ طور پر تسلیم کر لیا ہے۔