امریکی ریاست واشنگٹن کے شہر سیٹل میں ایک 70 سالہ خاتون ڈرائیور نے غلطی سے اپنی کار لائٹ ٹرین کی پٹری پر چڑھا دی جس کے باعث ٹرین سروس معطل ہوگئی۔
غیر ملکی میڈیا کے مطابق خاتون کا کہنا تھا کہ وہ جی پی ایس کی ہدایات پر عمل کر رہی تھیں اور غلط راستہ اختیار کرتے ہوئے گاڑی ٹرین ٹریک پر آگئی۔
عینی شاہدین کے مطابق خاتون کافی فاصلے تک پٹری پر گاڑی چلاتی رہیں جس سے ٹرین سروس متاثر ہوئی اور مسافروں کو تاخیر کا سامنا کرنا پڑا۔
انتظامیہ نے بتایا کہ فائر ڈپارٹمنٹ نے ہیوی مشینری کی مدد سے کار کو پٹری سے ہٹا دیا جبکہ خاتون کو طبی معائنے کے لیے اسپتال منتقل کیا گیا۔ حکام کے مطابق خاتون نشے کی حالت میں نہیں تھیں۔