حکومت نے پیٹرول پر پٹرولیم لیوی میں بڑا اضافہ کرتے ہوئے اسے 24 روپے 74 پیسے فی لیٹر بڑھا دیا ہے، جس کے بعد پیٹرول پر لیوی بڑھ کر 116 روپے 8 پیسے فی لیٹر تک پہنچ گئی ہے۔
ذرائع کے مطابق ہائی اسپیڈ ڈیزل پر پٹرولیم لیوی میں 24 روپے 34 پیسے فی لیٹر کمی کی گئی ہے، جس کے بعد ڈیزل پر لیوی 68 روپے 93 پیسے سے کم ہو کر 44 روپے 59 پیسے فی لیٹر رہ گئی ہے۔
دوسری جانب مٹی کے تیل کی قیمت میں بھی 8 روپے 70 پیسے فی لیٹر اضافہ کیا گیا ہے جس کے بعد نئی قیمت 280 روپے 70 پیسے فی لیٹر مقرر ہو گئی ہے، جبکہ اس پر پٹرولیم لیوی 20 روپے 36 پیسے فی لیٹر برقرار رکھی گئی ہے۔
جاری نوٹیفکیشن کے مطابق پیٹرول کی نئی قیمت 377 روپے 78 پیسے فی لیٹر جبکہ ہائی اسپیڈ ڈیزل 380 روپے 78 پیسے فی لیٹر پر برقرار رہے گا۔ گزشتہ روز حکومت نے پیٹرول کی قیمت میں 4 روپے فی لیٹر کمی کا اعلان کیا تھا۔