فٹبال ورلڈ کپ میں شریک ایران کی قومی ٹیم کو امریکا میں رہنے کی اجازت نہ مل سکی جس کے باعث ٹیم کو میچ والے دن میکسیکو سے امریکا جا کر مقابلہ کھیلنے کے بعد واپس لوٹنا ہوگا۔
غیر ملکی خبر ایجنسی کے مطابق ایران کی ٹیم اپنا بیس کیمپ میکسیکو کے شہر تیجونا میں قائم کیے ہوئے ہے جبکہ ورلڈ کپ کے میچز امریکی شہروں لاس اینجلس اور سیٹل میں کھیلے جائیں گے۔
رپورٹس کے مطابق تیجونا سے لاس اینجلس کا سفر تقریباً ایک گھنٹہ جبکہ سیٹل کا سفر ساڑھے پانچ گھنٹے پر محیط ہے۔
ایران کا پہلا میچ 15 جون کو نیوزی لینڈ کے خلاف شیڈول ہے تاہم ٹیم کے متعدد آفیشلز بشمول فیڈریشن کے سربراہ مہدی تاج کو ابھی تک امریکی ویزے جاری نہیں کیے گئے۔ذرائع کے مطابق ایران کی ٹیم کو ویزے تو مل گئے ہیں لیکن قیام کی اجازت نہ ہونے کے باعث لاجسٹک مسائل کا سامنا ہے۔