پاکستان کے زرمبادلہ ذخائر میں گزشتہ ایک ہفتے کے دوران 7 کروڑ ڈالر کا اضافہ ریکارڈ کیا گیا ہے جس کے بعد ملک کے مجموعی ڈالر ذخائر 22 ارب 74 کروڑ 20 لاکھ ڈالر تک پہنچ گئے ہیں۔
اسٹیٹ بینک آف پاکستان کی جانب سے جاری کردہ ہفتہ وار اعداد و شمار کے مطابق مرکزی بینک کے پاس موجود زرمبادلہ کے ذخائر 58 لاکھ ڈالر اضافے کے بعد 17 ارب 22 کروڑ 10 لاکھ ڈالر ہو گئے ہیں۔
اعداد و شمار کے مطابق کمرشل بینکوں کے پاس موجود غیر ملکی زرمبادلہ کے ذخائر میں بھی نمایاں اضافہ دیکھنے میں آیا جو 6 کروڑ 42 لاکھ ڈالر بڑھ کر 5 ارب 52 کروڑ 10 لاکھ ڈالر کی سطح پر پہنچ گئے۔