پاکستان ہاکی ٹیم کے کپتان عماد شکیل بٹ کو تاحال برطانیہ کا ویزہ جاری نہیں ہوسکا ہے، جس کے باعث وہ ٹیم کے ہمراہ انگلینڈ نہیں جاسکیں گے۔
پاکستان ہاکی ٹیم نے پرو ہاکی لیگ کے دوسرے مرحلے کے لیے 21 جون کو بلجیئم سے انگلینڈ روانہ ہونا ہے، جہاں اس نے انگلینڈ اور انڈیا کا مقابلہ کرنا ہے۔
کپتان عماد شکیل بٹ کے ویزہ انکار کی وجہ تاحال سامنے نہیں آسکی ہے، تاہم اب ان کی جگہ ابوبکر کو کپتانی سونپے جانے کا امکان ظاہر کیا جا رہا ہے۔
عماد شکیل بٹ کے متبادل کا حتمی فیصلہ سلیکشن کمیٹی کرے گی جس کا باقاعدہ اعلان فیڈریشن کی جانب سے کیا جائے گا۔