پاکستان کے نامور کیوئیسٹ شہزاد بٹ نے ورلڈ ڈس ایبل سنوکر چیمپئن شپ کے فائنل میں پہنچ کر ملک کے لیے بڑی کامیابی حاصل کرلی ہے۔
شہزاد بٹ نے سیمی فائنل میں چین کے کیوئیسٹ یوان ہوان ہی کو 1-3 فریمز کے اسکور سے شکست دے کر فائنل کے لیے کوالیفائی کیا۔ فائنل میچ میں اب ان کا سامنا تھائی لینڈ کے دفاعی چیمپئن سونگ کیاٹ رائیبنکو سے ہوگا، جو گزشتہ سال کے فاتح رہے تھے۔
شہزاد بٹ اب تک ٹورنامنٹ میں شاندار فارم میں نظر آئے ہیں اور انہوں نے اب تک کی دو سب سے بڑی ہائیسٹ بریکس (71 اور 81) بھی اپنے نام کی ہیں۔ پاکستانی کیوئیسٹ نے فائنل میچ میں کامیابی اور عالمی ٹائٹل اپنے نام کرنے کے لیے قوم سے دعاؤں کی اپیل کی ہے۔