بھارت کے 15 سالہ کم عمر ترین بیٹر ویبہو سوریاونشی نے لسٹ اے کرکٹ میں تیز ترین نصف سنچری (ففٹی) بنا کر ایک نیا عالمی ریکارڈ اپنے نام کرلیا ہے۔
ویبہو سوریاونشی نے سری لنکا میں جاری ٹرائی نیشن سیریز کے فائنل میچ میں سری لنکا اے کے خلاف جارحانہ بیٹنگ کا مظاہرہ کرتے ہوئے محض 11 گیندوں پر اپنی ففٹی مکمل کی۔ اس طوفانی اننگز کے دوران بھارتی بلے باز مجموعی طور پر صرف 29 گیندوں کا سامنا کرتے ہوئے 94 رنز کی اننگز کھیل کر آؤٹ ہوئے۔
اس سے قبل لسٹ اے کرکٹ میں تیز ترین نصف سنچری کا عالمی ریکارڈ سری لنکا کے کوشلیا ویرارتنے کے پاس تھا، جنہوں نے 2005ء میں 12 گیندوں پر ففٹی اسکور کی تھی۔ 15 سالہ بھارتی کھلاڑی نے اب 21 سال پرانا یہ ریکارڈ توڑ کر تاریخ رقم کر دی ہے۔