سیکیورٹیز اینڈ ایکسچینج کمیشن آف پاکستان (ایس ای سی پی) نے 'خودمختار خاتون پروگرام' کے تحت کاروباری خواتین کے لیے ملک کی پہلی ڈیجیٹل قرضہ اسکیم متعارف کراتے ہوئے 15 لاکھ روپے تک کی فنانسنگ کی منظوری دے دی ہے۔
یہ ڈیجیٹل قرضہ پروڈکٹ خصوصی طور پر خواتین کی زیرِ نگرانی چلنے والے مائیکرو، اسمال اور میڈیم انٹرپرائزز (MSMEs) کے لیے تیار کی گئی ہے۔
اس اسکیم کے تحت متعلقہ کمپنی کاروباری خواتین کو ان کے کریڈٹ اسسمنٹ (مالیاتی ساکھ کے تعین) کے نتائج کی بنیاد پر ایک لاکھ روپے سے لے کر 15 لاکھ روپے تک کی ایسٹ فنانسنگ فراہم کرے گی۔