سرجانی پولیس نے کارروائی کرتے ہوئے 10 سالہ بچے کو مبینہ طور پر تشدد کا نشانہ بنا کر قتل کرنے والے باپ اور چچا کو گرفتار کرلیا ہے۔
ایس ایس پی ویسٹ طارق الٰہی مستوئی کے مطابق 10 سالہ حیدر ولد اظہر گزشتہ روز اپنی والدہ کے گھر سے والد کے گھر آیا تھا، جہاں والدین کے درمیان گھریلو تنازعے کی بناء پر والد اور چچا نے بچے کو ماں کے گھر جانے پر شدید تشدد کا نشانہ بنایا۔
پولیس نے اطلاع ملتے ہی فوری طور پر کارروائی کر کے ملزم والد اظہر ولد مظہر اور چچا سلطان ولد مظہر کو حراست میں لے لیا۔
پولیس حکام کا کہنا ہے کہ تشدد میں استعمال ہونے والے آلہ قتل کی برآمدگی کے لیے کارروائی جاری ہے اور ملزمان کے خلاف ضابطے کی کارروائی عمل میں لائی جا رہی ہے۔