حکومت نے پیٹرول اور ڈیزل کی قیمتیں برقرار رکھنے کے باوجود دونوں ایندھن پر پٹرولیم لیوی میں اضافہ کر دیا ہے۔
پیٹرولیم ڈویژن کے مطابق ہائی اسپیڈ ڈیزل پر لیوی 6 روپے 57 پیسے فی لیٹر اضافے کے بعد 79 روپے 54 پیسے فی لیٹر ہوگئی، جبکہ پیٹرول پر لیوی 39 پیسے بڑھا کر 66 روپے 64 پیسے فی لیٹر مقرر کر دی گئی۔
دوسری جانب مٹی کے تیل پر لیوی 20 روپے 36 پیسے فی لیٹر برقرار رکھی گئی ہے۔ واضح رہے کہ حکومت نے آئندہ ایک ہفتے کے لیے پیٹرول اور ڈیزل کی قیمتوں میں کوئی تبدیلی نہیں کی۔