پاکستان اسٹاک ایکسچینج میں کاروباری ہفتے کے پہلے روز شدید اتار چڑھاؤ کے بعد مارکیٹ منفی رجحان کے ساتھ بند ہوئی۔ مالی سال کے اختتام سے ایک روز قبل فروخت کے دباؤ کے باعث ہنڈرڈ انڈیکس 1,156 پوائنٹس کی کمی سے 178,414 پوائنٹس پر بند ہوا۔
دورانِ کاروبار انڈیکس نے 180 ہزار پوائنٹس کی حد بحال کی، تاہم بعد ازاں 179 ہزار پوائنٹس کی سطح بھی برقرار نہ رکھ سکا۔
مارکیٹ میں ایک موقع پر 700 پوائنٹس کی تیزی اور 1,240 پوائنٹس تک مندی بھی دیکھی گئی جبکہ بینکنگ، آئل اینڈ گیس، سیمنٹ اور انرجی شعبوں کے شیئرز پر فروخت کا دباؤ غالب رہا۔