محکمہ موسمیات نے اعلان کیا ہے کہ 12 اور 13 اگست کی درمیانی شب رواں سال کا آخری اور مکمل سورج گرہن ہوگا تاہم یہ پاکستان میں نظر نہیں آئے گا۔
محکمہ موسمیات کے مطابق سورج گرہن کا آغاز 12 اگست رات 8 بج کر 34 منٹ پر ہوگا، رات 10 بج کر 46 منٹ پر اپنے عروج پر پہنچے گا جبکہ 13 اگست رات 12 بج کر 58 منٹ پر اختتام پذیر ہوگا۔
محکمہ موسمیات کا کہنا ہے کہ مکمل سورج گرہن گرین لینڈ، آئس لینڈ، اسپین اور روس میں دیکھا جا سکے گا جبکہ یورپ، افریقہ اور امریکا کے مختلف علاقوں میں جزوی سورج گرہن نظر آئے گا۔
28 اگست کو جزوی چاند گرہن بھی ہوگا تاہم یہ بھی پاکستان میں قابلِ مشاہدہ نہیں ہوگا۔