پاکستان اسٹاک ایکسچینج میں کاروباری ہفتے کے آخری روز شدید اتار چڑھاؤ کے بعد پہلے سیشن کا اختتام منفی رجحان پر ہوا۔
کاروبار کا آغاز 129 پوائنٹس کی مندی سے ہوا جبکہ دورانِ ٹریڈنگ ہنڈرڈ انڈیکس میں 1100 سے زائد پوائنٹس کی نمایاں کمی بھی دیکھی گئی جس کے باعث مارکیٹ عارضی طور پر 181 ہزار پوائنٹس کی نفسیاتی حد سے نیچے چلی گئی۔
تاہم بعد ازاں مارکیٹ میں جزوی بہتری آئی اور 181 ہزار پوائنٹس کی حد بحال ہوگئی۔ پہلے سیشن کے اختتام پر پاکستان اسٹاک ایکسچینج کا ہنڈرڈ انڈیکس 450 پوائنٹس کی کمی کے ساتھ 181,326 پوائنٹس پر بند ہوا۔