پاکستان اسٹاک ایکسچینج میں کاروبار کا آغاز 100 پوائنٹس کی تیزی کے ساتھ ہوا، تاہم یہ مثبت رجحان زیادہ دیر برقرار نہ رہ سکا اور مارکیٹ جلد ہی منفی زون میں داخل ہوگئی۔
کاروبار کے دوران شدید مندی دیکھی گئی اور 100 انڈیکس میں 500 سے زائد پوائنٹس کی کمی ریکارڈ کی گئی۔ بعدازاں انڈیکس مجموعی طور پر 462 پوائنٹس کی گراوٹ کے ساتھ 180,040 پوائنٹس کی سطح پر ٹریڈ کرتا رہا۔
مارکیٹ ذرائع کے مطابق ایران اور امریکا کے درمیان بڑھتی ہوئی کشیدگی اور عالمی سطح پر خام تیل کی قیمتوں میں اضافے کے باعث سرمایہ کاروں میں بے یقینی پھیلی، جس کے اثرات اسٹاک مارکیٹ پر منفی رجحان کی صورت میں سامنے آئے۔