ملک بھر کے بجلی صارفین کے لیے ایک اور بری خبر، ستمبر کی فیول پرائس ایڈجسٹمنٹ کے تحت بجلی فی یونٹ 2 روپے 56 پیسے مہنگی کرنے کی درخواست پر نیپرا نے سماعت کے بعد فیصلہ محفوظ کرلیا۔
سماعت کے دوران سی پی پی اے حکام نے بتایا کہ ستمبر میں بجلی کی اوسط فیول لاگت 10 روپے 2 پیسے فی یونٹ رہی جبکہ تخمینہ 7 روپے 46 پیسے تھا۔ درخواست منظور ہونے کی صورت میں صارفین پر 32 ارب 66 کروڑ روپے کا اضافی بوجھ پڑنے کا خدشہ ہے۔
پاور ڈویژن کے مطابق مختلف اقدامات کے ذریعے ممکنہ اضافے کو 5 سے 6 روپے کے بجائے 2 روپے 56 پیسے فی یونٹ تک محدود کیا گیا۔