پاکستان اسٹاک ایکسچینج میں گزشتہ روز کی 2500 پوائنٹس کی شدید مندی کے بعد کاروباری ہفتے کے دوران مثبت رجحان دیکھنے میں آیا ہے۔
ٹریڈنگ کے آغاز پر ہنڈریڈ انڈیکس میں 116 پوائنٹس کی تیزی درج کی گئی، جس کے بعد خریداروں کی دلچسپی کے باعث مارکیٹ میں مسلسل بہتری آتی گئی۔
کاروبار کے دوران انڈیکس میں 700 سے زائد پوائنٹس کا اضافہ دیکھا گیا، جس سے 178000 پوائنٹس کی حد بحال ہوگئی۔
اس وقت پاکستان اسٹاک ایکسچینج کا کے ایس ای 100 انڈیکس (KSE-100) 741 پوائنٹس کے اضافے کے ساتھ 178696 پوائنٹس کی سطح پر ٹریڈ کر رہا ہے۔