کراچی کے علاقے سی ویو میں واقع اپارٹمنٹس کی پارکنگ میں کھڑی ایک گاڑی سے دو افراد کی لاشیں برآمد ہوئی ہیں۔
پولیس حکام کے مطابق اطلاع ملتے ہی نفری نے موقع پر پہنچ کر علاقے کو گھیرے میں لے لیا اور گاڑی کی تلاشی کے دوران دونوں افراد کی موجودگی کی تصدیق کی۔
ابتدائی تحقیقات کے مطابق گاڑی سے ملنے والی دونوں لاشیں مردوں کی ہیں، جنہیں تحویل میں لے کر ضابطے کی کارروائی کے لیے قریب واقع اسپتال منتقل کردیا گیا ہے۔
پولیس اور کرائم سین یونٹ کی ٹیموں نے موقع سے شواہد اکٹھے کرلیے ہیں جبکہ واقعے کی مختلف پہلوؤں سے تفتیش جاری ہے تاکہ موت کی اصل وجہ اور دونوں افراد کی شناخت کا تعین کیا جاسکے۔