بیرونِ ملک مبینہ طور پر بھیک مانگنے کے الزام میں مختلف ممالک سے 950 پاکستانی شہریوں کو ڈی پورٹ کردیا گیا، جبکہ انسدادِ گداگری کی کارروائی کے تحت کراچی ایئرپورٹ سے مزید 49 مسافروں کو آف لوڈ کردیا گیا۔
ذرائع کے مطابق ڈی پورٹ کیے جانے والے زیادہ تر پاکستانی شہریوں کو سعودی عرب سے واپس بھیجا گیا، جبکہ دیگر شہریوں کو متحدہ عرب امارات، عراق، عمان، قطر، بحرین اور ملائیشیا سے ڈی پورٹ کیا گیا۔
حکام کے مطابق بیرونِ ملک بھیک مانگنے کے خلاف کارروائیوں کے سلسلے میں ایئرپورٹس پر بھی مسافروں کی کڑی نگرانی کی جارہی ہے، جبکہ مشکوک مسافروں کو آف لوڈ کرنے کا سلسلہ جاری ہے۔
حکام کا کہنا ہے کہ انسدادِ بھیک مانگنے کی مہم کا مقصد بیرونِ ملک پاکستان کا مثبت تشخص برقرار رکھنا اور بھیک مانگنے کے لیے سفر کرنے والے افراد کی حوصلہ شکنی کرنا ہے۔